Gervigreindarsetur Háskólans í Reykjavík stundar rannsóknir á ýmsum sviðum gervigreindar, með fjögur kjarnasvið:

• Gervigreind í sýndarheimum og tölvuleikjum
• Leit og áætlanagerð
• Víxlverkun og samskipti í rauntíma
• Náttúruleg samskipti manns og vélar (tal, sjón, heyrn, skilningur)

Markmið Gervigreindarsetursins er þrískipt:

• að stunda rannsóknir í fremstu röð á sviði gervigreindar og vitvísinda í alþjóðarannsóknarsamfélagi,
• að víkka sjóndeildarhring nemenda á öllum námsstigum, með því að bjóða þeim þátttöku í framsæknum rannsóknarverkefnum,
• að stuðla að notkun gervigreindar í iðnaði og þjóðfélaginu.

Gervigreind er verkfræðileg nálgun á fyrirbærið greind, og er því mjög breitt vísinda- og tæknisvið. Þessi verkfræðilega nálgun, eins og hún er kenndi við bestu skóla heims á því sviði, t.d. MIT, Stanford, CMU og Edinborgarháskóla, byggir á hugmyndum og aðferðafræði úr mjög mörgum fræðasviðum: tölvunarfræði, hugbúnaðarverkfræði, stærðfræði (t.d. lógík, complexity), sálarfræði, félagsfræði, heimspeki (heimspeki vísindanna, epistemology ofl.), rafmagnsverkfræði, líffræði (þróun tegunda, lífeðlisfræði, taugalífeðlisfræði) — jafnvel hagfræði. Mun færri stunda rannsóknir í gervigreind en á mörgum öðrum sviðum tölvunarfræði eins og er, en rétt rúmlega 100 rannsóknarsetur í heimi hafa helgað sig gervigreind. Framfarir á þessu sviði eru því komnir fremur stutt á veg, sérstaklega ef tekið er miðað af hversu öflug náttúruleg greind er, í mönnum og flestum öðrum dýrategundum. Rannsóknir innan flestra undirsviða gerivgreindar, þ.m.t. áætlanagerð, eru rétt að byrja.